Retail Audit

Retail Audit marka, məhsul strategiyasının və kampaniyaların satış nöqtələrində hansı keyfiyyətdə icra olunduğunu ölçmək üçün istifadə olunan xidmətdir. Bu xidmət vasitəsi ilə siz satış komandasının sahədəki işini dəyərləndirmək üçün həm keyfiyyət, həm də kəmiyyət meyarları əldə edə bilirsiniz. Nümunə üçün aşağıdakı meyarları göstərmək olar:

· Məhsul çeşidlərinin rəfdə mövcudluğu

· Məhsul və ya marka üzrə rəf payı dinamikası

· Məhsul çeşidləri üzrə rəf qiymətlərinin analizi

· Məhsul çeşidləri üzrə SİT məlumatları

· Məhsul çeşidləri üzrə rəfdə FEFO tətbiqi

· Stend mövcudluğu və sayları

· Stendlər üzrə doluluq səviyyəsi

· Soyuducu və digər avadanlıqların mövcudluğu

· Planogram standardlarının tətbiqi

· Promo materialların mövcudluğu

· Rəqib fəaliyyətinin izlənməsi və s.

Unlvr253-10727-48900-18_10_2023_15_58_15

UNİGEO082-10588-48677-16_09_2023_15_28_42

40585737-8b7c-47a8-aef5-4bc664cea06c

Unlvr253-10727-48900-18_10_2023_15_58_15

1/13

Sizin şirkətə Retail Audit nə üçün lazımdır?

Sahibkar, İcraçı Direktor, Vitse Prezident, Baş Direktor, Kommersiya Direktoru, Marketinq Direktoru və ya şirkətin ticari müvəffəqiyyətindən məsul olan hər hansı digər yüksək vəzifəli icraçı olaraq aşağıdakı sualları cavablandırmağa çalışın;

Alıcılar sizin məhsulları istədikləri satış nöqtəsində və istədikləri vaxtda tapa bilirlərmi?
Qiymət strategiyamız satış nöqtələrində lazımi qaydada həyata keçirilirmi?
Satış nöqtələrində nə qədər stend və displey materialımız var?
Stend və displeylərin yeri satışa kömək edirmi?
Satış komandamız lazımi məhsul biliklərinə sahibdirmi?
Müştəri məmnuniyyətini haqqında dəqiq təsəvvürüm varmı?
Rəqib fəaliyyəti haqqında davamlı məlumatı necə ala bilərəm?
Satış nöqtələrindəki iş keyfiyyətini necə yaxşılaşdırmaq olar?

Əgər bu suallara tam əminliklə cavab verə bilmədinizsə, bu o deməkdir ki, bir çox şirkətdə olan eyni problemlə qarşılaşmısınız.

Problem haqqında !

Problemin əsas səbəbi odur ki, rəhbər şəxslər öz satış komandasının fəaliyyətini dəyərləndirmək məqsədi ilə ancaq daxili məlumatlara əsaslanırlar. Daxili məlumatlar dedikdə, şirkətin daxili əməliyyat sistemi vasitəsi ilə əldə oluna biləcək satış həcmi, satış dəyəri, yığım dərəcəsi, vizit sayı, vizit tezliyi, satış nöqtəsi başına düşən dövriyyə, iadə və zay məhsul faizi və s. kimi performance meyarları (KPİ) nəzərdə tutulur.

Bu edərkən yaddan çıxarılan isə satış komandasının sahədəki işini dəyərləndirməyə imkan verən və bilavasitə satış nöqtələrindən toplanan xarici məlumatlar toplusudur. Aşağıdakı xarici meyarlardan bəzilərinə nəzər salın.

· Məhsulun rəfdə mövcudluğu və face sayı

· Soyuducu, stend və displeylərin mövcudluğu

· Planogram qaydalarına əməl olunması

· Rəf payı və onun dinamikası məlumatı

· Qiymət kartlarının mövcudluğu və dəqiqliyi

· Məhsulların rəf yaşı dinamikası

· Alıcılar ilə toxunuş nöqtələrinin sayı

· Promo materiallarının yeri və keyfiyyəti və s.

Xarici meyarlar satış komandasının sahədəki işinin keyfiyyətini ölçmək üçün əsas zəminı yaradır. Bu məlumatları daxili meyarlar ilə birlikdə gözdən keçirərək siz satış komandasının performansını dəyərləndirmək üçün obyektiv bir menecment silahı yaratmış olursunuz.

Retail Audit məlumatını necə istifadə etmək lazımdır ?

Retail Audit məlumatının əsas istifadəçilərini 2 qrupa bölmək mümkündür.

Marka sahibləri (İstehsalçı şirkətlər)
Distribütor şirkətlər

Distribütorlara məhsullarını satmağı etibar edən marka sahibləri üçün ən böyük problem, çoxsaylı münasibət və satış kanallarında öz marka vədlərinin (brand promise) tamlığını qorumaqdır. Marka vədi tədarükçü və istehlakçı arasında mövcud olan çoxtəbəqəli bir sistemdə dəyişə və ya itirilə bilər.

Başqa sözlə marka strategiyasının tətbiqi bir çox hallarda marka sahibinin nəzərdə tutduğu kimi deyil tam fərqli ssenarilər üzrə sahədə öz əksini tapır. Bu isə marka sahibi şirkətlərin distribütorlar üzərində birbaşa hüquqi nəzarətlərinin olmaması səbəbindən yaranır. Bunun nəticəsində isə marka sahibləri sahədə görmək istədiklərini adətən görə bilmirlər.

Bu səbəbdən Retail Audit marka sahibləri üçün distribütor performansının idarə olunmasına imkan verən strateji silahdır və aşağıdakılara imkan verir.

· Distribütorun sahədə gördüyü işə davamlı nəzarət

· Marka sağlığının (Brand Health) davamlı nəzarətdə saxlanması

· Rəqib fəaliyyəti haqqında davamlı məlumarın əldə olunması

Distribütor şirkəti tərəfdə isə Retail Audit məlumatları daha çox gündəlik satış proseslərinin idarə olunması üçün əməliyyat silahına çevrilir və aşağıdakılara imkan verir;

· Satış komandasının dəyərləndirilməsi

· Marka və məhsulların penetrasiya analizi

· Satış nöqtələrində stock-out nəzarətinin qurulması

· Merçendayzinq və Planograma nəzarət

· Satış nöqtələrində inventara nəzarət

· Satış nöqtələrində promo və qiymətlərə nəzarət

· Rəqiblərin fəaliyyətinə nəzarət və s.

Niyə Retailor ?

Retailor MMC pərakəndəsatış performansı üzərində nəzarəti qurmaq və saxlamaq istəyən şirkətlər üçün Mərkəzi Asiya və Qafqaz ölkələrində etibarlı və hərəkət yönümlü sahə məlumatlarını 2015-ci ildən etibarən digər alternativlərdən fərqli olaraq təqdim edən tərəfdaşdır. Pərakəndəsatış işlərinin icrası və strategiyasını birləşdirmək vizyonumuzu həyata keçirmək üçün davamlı olaraq qabaqcıl və mürəkkəb pərakəndə audit texnologiyasına sərmayə yatırırıq. Məhz bu, bizə Coca-Cola, Unilever, Colgate-Palmolive, Algida, British American Tobacco və başqaları kimi qlobal adlarla əməkdaşlıq etməyə kömək edir.

Bizim üstünlüklərimiz:

15 ildən artıq FMCG və Layihə İdarəetmə təcrübəsi

10 ildən artıq Retail Audit idarəetmə təcrübəsi

Qlobal və yerli müştərilər tərəfindən güvənilən partnyor

Qafqaz və Mərkəzi Asiya ölkələrində biznes əməliyyatları

İşə alım və təlimlərin keçirilməsi üzrə dijitallaşma

Data Quality Control process - 99% məlumat dəqiqliyi

Üstün və müasir texnoloji imkanlardan istifadə olunması

Online və canlı rejimdə təqdim edilən menecment hesabatları